Saturday, March 31, 2018

යෙහෙළියේ නුඹ කොහිද?

වැනුවෙ අත සදහටද
හඟවන්න වෙන්වීම
නුඹ යමින් බස් රථේ
මම ඉද්දි නැවතුමේ......

එයින් විසි වසකි අද....

එයින් වසරකට පෙර
නුඹේ පෙම මිය ගියා
මිහිතලය වැළඳගෙන
ත්‍රස්තයන් අභිමුවෙහි...

එදා නුඹ හෙලු කඳුළු
ඇත්ත බව මම දනිමි.....

එයින් වසරකට පසු
මගේ පෙම මිය ගියා
කඳුළු වැල් ගලාගෙන
චපල බව අභිමුවෙහි....

හිත හැදෙන වැකි ඔබා
කොළයක්ම පුරවලා
නුඹ එවූ ඒ ලිපිය
සොයමි මම පෙරලලා...

අමාරුම මොහොතකදි
හිනා වෙන දනන් මැද
දැනේ මට තව තවත්
නුඹේ හිත මිතුරු දම...

යෙහෙළියේ නුඹ කොහිද?
ආයෙ ලිපියක් එයිද?

ලියුවේ;
සෙන්නා / 31.03.2018

18 comments:

  1. දැං ලියුං එන්නෑ. මැසේජ් එකක් හරි මේල් එකක් හරි තමා ඉතිං.

    ReplyDelete
  2. Replies
    1. එළි වැටක් නැති කවියකට දිග වැටක්...

      ස්තූතියි තඩියෝ

      Delete
  3. සුපිරියි නෙව, අහම්බෙන් වගේ ගල්මල් බලන්න ආවහම මේක දැක්කේ

    ReplyDelete
    Replies
    1. ඩීන් අයියා වගේ කවි කාරයෙක් සුපිරියි කිව්වනම් ඉතින් මොනා හරි ගත යුත්තක් ඇති කියලා මම හිතාගන්නවා ඕන්..

      ස්තූතියි ඩීන් අයියා...

      Delete
  4. සෙවී කන්නා
    .
    .
    .
    .
    .
    .
    .
    .
    කවි සෙන්නා

    ReplyDelete
  5. හිතට වැදුනා. කවදා හෝ ඇයව නැවත හමුවෙන්න පතනවා

    ReplyDelete
    Replies
    1. හොඳ යාළුවෙක් කියන්නෙ ලොකු හයියක් තමා ඉයන්.

      Delete
  6. කවුරුද ඔබ මා..ඉන්නේ කොතැනා.. නොම විමසා පෙම ඉඟි මැරුවා..
    සොඳුරු වසන්තෙක මොහොතක සුව පා.. වෙන් වූවා අප සුසුම් දරා..

    මතකේ මැවෙනා.. පෙර රූ චායා.. හමු වේදෝ යලි සිත් සනහා..
    ඔබෙ නමටයි මා පාරමි පුරනා.. ඇසේවිදෝ මේ ගී මාලා.. :D

    ReplyDelete
  7. හිතට දැනුන නිර්මාණයක්

    ReplyDelete
  8. සිරාවට හිතට දැනුනා... පරණ යාලුවෝ විශේෂයෙන් කෙල්ලෝ මතක් වෙනවා... හෙහ් හෙහ්..

    ReplyDelete
  9. මොනවහරි ලියන්ටෝ

    ReplyDelete
  10. දැන් කාලේ අන්තර්ජාලෙන් හොයාගන්න බැරි අවස්ථා හරි අඩුයි නෙද? නම ගම ඔක්කොම දන්නවනම්.

    බයි ද වේ, සෙන්නෝ ඔබ කොහිද?

    ReplyDelete
  11. සෙන්னයෝ නුඹ කොහිද???

    ReplyDelete

මොනවා හරි කියලා ගියොත් හරි වටිනව..

ස්තූතියි...!!!

රැක් එක අවුල්....

  2023.07.15 දුර ගමනක් යෑමට පෙර වාහනයේ අඩුපාඩු සාදාගෙන යාම නුවනැති ක්‍රියාවකි. සමහරුන් එසේ නොකරති. ආරක්ෂාව ගැන නොසිතති. වාහනයේ අඩු පාඩු සාදා...

Search This Blog