9/11 අතුරු කතාවක් | The Miracle of Stairwell B

2012 ඇසල මස 20 වනදා

මහල් එකසිය ගණනකින් යුත් ගොඩනැගිල්ලක් මහලින් මහල ගැටෙමින් කඩා වැටන විට, ඔබ එම ගොඩ නැගිල්ලේ සිව්වන මහලේ සිටියොත් දැනෙන හැඟීම කිනම් වේවිද ? එසේ සිටි අයකු දිවි ගලවා ගනීද ? එසේ සිටි එක් අයකු නොව පිරිසක්ම දිවිගලවා ගත් කතාවක් අසා තිබේද ?

ටොන් මිලියන භාගයක් තරම් වූ යකඩ සහ කොන්ක්‍රීට් ප්‍රවාහයකට හසුව දිවි ගලවා ගැනීම ඇත්තෙන්ම හාස්කමකි. ආශ්චර්යයකි. ඔවුන්ගේ දිවි ගැලවුණේ කෙසේද ? ඔවුනට දැනුණ හැඟීම් කෙසේ වන්නට ඇතිද ?

එය දැනගැනීමට අපට වසර එකොළහක් අතීතයට යාමට සිදු වේ. මේ ඔවුන්ගේ කතාවයි.

2001 සැප්තැම්බර් 11, නිව් යෝර්ක් නගරය.

දිනය දුටු ගමන්ම, අටුවා ටීකා ටිප්පණි අනවශ්‍යයයි සිතමි. සිදුවූ ඛේදවාචකය ඔබ සැමගේ මතකයෙන් ගිලිහී නැතුව ඇතැයිද සිතමි. නමුත්, මෙම කතාව ඒ ගැන නොවේ. මේ එහි අතුරු කතාවකි.

~~~~~

කතාව ඇරබෙන්නෙ ඔවුන්ව ප්‍රහාරයට ලක් වූ ලෝක වෙළද මධ්‍යස්ථානයට කැඳවීමෙනි. ඒ, නිව් යෝර්ක් නගරයේ ගිනි නිවන භටයන් ලෙස අන් අයගේ ජීවිත ගැලවීමටය.

උදෑසන 08:46 ට ප්‍රථම ගුවන් යානය උතුරු කුළුණේ මහල් අංක 93 හා 99 අතර ගැටෙන විට, ලිපිකරු සහයිකාවක වූ ජොසපින් හැරිස් සේවය කරමින් සිටියේ 78 වන මහලේය. මොහතකින් ඇය ඉවත්වීමේ ක්‍රියාපටිපාටිය අනුගමනය කරමින් "B" පියගැට මාර්ගයෙහි සිටිනු දක්නා ලදී.

ගිනි නිවන භටයන් 235ක් දෙනෙකු එම ස්ථානයට විනාඩි 15ක් ඇතුළත ළඟාවිය. මුලින්ම පැමිණි කණ්ඩායම් අතර කපිතාන් Jay Jonas අණ දුන් Ladder 6 ඒකකයද විය.

---------------------------------------------------------------------------------------------------------------------------------------------------------

අප එම ස්ථානයට ළඟාවන විට දුටුවේ කිසිදා දැකීමට නොසිතූ දර්ශනයක්. ඒ ලෝක වෙළඳ මධ්‍යස්ථානයේ වම් කුළුණෙහි ඉහළ තට්ටු විස්සක් පමණ ගින්නට හසුවී දැවෙන ආකාරයයි. - Capt. Jay Jonas

---------------------------------------------------------------------------------------------------------------------------------------------------------

Jim McGlynn හා ඔහුගේ කණ්ඩායම එම ස්ථානයට පැමිණෙන විට දුටුවේ, ගොඩනැගිල්ලෙන් බිමට පිනූ සහ පනින මිනිසුන්ගේ දර්ශනයයි.

---------------------------------------------------------------------------------------------------------------------------------------------------------

මම දැක්කා මිනිසුන් ගොඩනැගිල්ලෙන් බිමට පනින ආකාරය. මට ඔවුන්ව පොළොවෙහි ගැටෙන ශබ්දය පවා ඇසුණා. - Jim McGlynn 
---------------------------------------------------------------------------------------------------------------------------------------------------------

උදෑසන 09:03 ට දෙවන ගුවන් යානය මගින් දකුණු කුළුණට ඒ මාරාන්තික මරාගෙන මැරෙන ප්‍රාහාරය එල්ල කළේය. විනාඩි නවයක් ඇතුළත 3000 කට ආසන්න පුද්ගලයන් සංඛ්‍යාවක් ඝාතනයට ලක්විය. Mickey Kross හා ඔහුගේ ඒකකය එම ස්ථානයට ළඟා වුයේ එවිටම වාගේය.

උදෑසන 09:10 ට සැලකිය යුතු ගිනි නිවීම් ඒකක සංඛ්‍යාවක් එම ස්ථානයට ළඟා වී සිටි අතර සියලු ඒකක පාලනය කළ හැකි, අණ නිකුතු ඒකකයක් වහ වහා උතුරු කුළුණේ ප්‍රවේශ ශාලාවෙහි පිහිටුවන ලදී. Peter Hayden එහි ප්‍රධානියා වූ අතර ඒ ඒ ඒකක විසින් සම්පුර්ණ කළ යුතු කාර්යයන් පැවරීම සිදු කෙරුණේ ඔහු අතිනි. 

---------------------------------------------------------------------------------------------------------------------------------------------------------

ඔවුන් පැමිණි පසු අප අදාළ කාර්යයන් පැවරුවා. මෙය ඉතා අවදානම් සහ අපහසු කර්තව්‍යයක් බව ඔවුන්ටම වැටහී ඇති බව හොඳින්ම පෙනෙන්නට තිබුණා. - Peter Hayden
---------------------------------------------------------------------------------------------------------------------------------------------------------

---------------------------------------------------------------------------------------------------------------------------------------------------------

" නැවතත් මා එනතුරු බලා සිටි මාගේ භටයන් වෙතට පැමිණියේ මෙසේ කියමිනි, " හරි, මෙන්න අපිට ලැබුන ගනුදෙනුව. ඒක හරි හමන් ගනුදෙනුවක්. අපි ඒක කරන්ඩ ඕනා. " " - Capt. Jay Jonas
---------------------------------------------------------------------------------------------------------------------------------------------------------

---------------------------------------------------------------------------------------------------------------------------------------------------------

කපිතාන් Jay Jonas නැවතත් අප වෙත පැමිණෙමින් පැවසු දේ මට කවදාවත් අමතක වෙන්නෑ. " කොල්ලනේ මුන් අපිව මරන්ඩ හදන්නෙ. අපි යමු. "  අපිට ඒකට යනවා හැර වෙන විකල්පයක් තිබුනේ නෑ. ඒකට තමා අපිට ගෙවන්නෙ." - Bill Butler
---------------------------------------------------------------------------------------------------------------------------------------------------------

මෙය නිව් යෝර්ක් ගිනි භටයන්ට සිය ඉතිහාසයේදී මුහුණ දීමට වූ වැඩිම උසකදී ඇතිවූ ගින්නයි. එය මැඩපැවත්වීමට ඔවුනට පිය ගැටපෙළ උපයෝගී කොටගෙන අඩුම වශයෙන් මහල් අනූවක්වත් නැගීමේ දුෂ්කර අභියෝගයට මුහුණ දීමට සිදුවිය.

වේලාව උදෑසන 09:25 යි. වම් කුළුණේ වූ ගින්න ක්‍රමක්‍රමයෙන් වර්ධනය වී පාලනය කළ නොහැකි ලෙස බුර බුරා නැගෙමින් තිබුණි. මේ මොහොත වන විට Josephine Harris හැට වන මහල වෙත ළඟා වී තිබුණි. අනතුරින් ඇයට කිසිදු අනතුරක් වී නොතිබුණද සිය කකුලේ වූ පරණ තුවාලයක් ඇයගේ ගමන ගොළුබෙලි වේගයකට සීමා කළේය. 

ජොසපින් හැරිස් එසේ "B" පිය ගැටපෙළ ඔස්සේ පහතට බසිමින් සිටින විට, කපිතාන් Jay Jonas ප්‍රධාන ගිනි භටයන් එම මාර්ගයෙන්ම ඉහළට නගිමින් සිටිනු දක්නා ලදී.

---------------------------------------------------------------------------------------------------------------------------------------------------------
සෑම තට්ටු හතරකට පහකට සැරයක්ම අප හොඳ හුස්මක් ගැනීම සඳහා විනාඩියකට පමණ නතර වුණා. අපි එකිනෙකාට " දිගටම යන්, දිගටම යන් " කියමින් තමා උඩට නැග්ගේ. ඒ අතර පහතට බසින මිනිසුන් අපට " පරිස්සම් වෙන්න, දෙවි පිහිටයි " කියමින් ආශිර්වාද කළා මතකයි. - Mike Meldrum
---------------------------------------------------------------------------------------------------------------------------------------------------------

ඉහළ මහලයන්හී උෂ්ණත්වය ෆැරන්හයිට් අංශක 1300 ක් පමණ දක්වා වැඩිවී තිබුණි. මෙම තත්ත්වය ලෝක වෙළද මධ්‍යස්ථානයේ කුළුණු ද්විත්වයෙහි ආධාරක වානේ රාමුව ඇද කිරීමට සමත්ව තිබුණි. එහෙත් ! ඉහළට යන ගිනි භටයන් ගොඩනැගිල්ල කඩා වැටීමට කෙතරම් ආසන්නදැයි කිසිසේත්ම නොදැන සිටියහ.

---------------------------------------------------------------------------------------------------------------------------------------------------------
අපිට පැයක් විතර ගියා 31 වෙනි තට්ටුවට එන්න. ඒ වෙලාවෙ අපි නැවත කණ්ඩායම් සැකෙසමින් හිටියේ. හදිසියේම ගොඩනැගිල්ල හිටගන ඉන්න බැරි තරමට හෙලවෙන්ඩ පටන් ගත්තා. එම සෙලවීම නිසා අපි සියලු දෙනාම සිටගෙන සිටීමට නොහැකිව ඇද වැටුණා. Jim McGlynn
---------------------------------------------------------------------------------------------------------------------------------------------------------

ගොඩනැගිල්ල මෙතරම් සෙලවීමකට ලක් කෙරුවේ කුමක්ද ? එය ඒ තුළ සිටි ගිනි භටයනට සිතාගැනීමට අපහසු වූ කාරණයකි. සත්‍යය රුධිරය වතුර කරවන තරම් භයානකය. එය මහල් අනූවකටත් වඩා ඉහළින් පිහිටි ගින්නක් නිවීමට ඉහළට යන ගිනි භටයනට කිසිසේත්ම සුබදායක නොවන ආරංචියකි. ඔවුන්ගේ ගුවන් විදුලි පණිවිඩ සම්ප්‍රේෂණ යන්ත්‍රද ක්‍රියා විරහිතව තිබූ බැවින්, එම සෙලවීම, අසලින් වූ දකුණු ගොඩනැගිල්ල කඩා වැටීම නිසා ඇති වූවක් බව ඔවුන්ට මද වේලාවක් යනතෙක් දැනගැනීමට නොලැබුණි.

---------------------------------------------------------------------------------------------------------------------------------------------------------

සිහි එළව ගත්ත ගමන්ම මට හිතුණේ අපේ ගොඩනැගිල්ලෙ කොටසක් කඩාවැටුණා කියලා. මම බිලීට කිව්වා, " බිලී ඔයා දකුණු පැත්තෙ ජනෙල් වලින් බලන්න මම උතුර පැත්තෙ ඒවයෙන් බලන්නම්. අපිට බලාගන්ඩ ලැබෙයි මොනවද වුණේ කියලා". මම ජනෙල්ලෙන් බැලුවත් දැඩි දූහුවිල්ල මිසක් වෙන කිසිදෙයක් දැක්කෙ නෑ. මම බිලී දිහා බැලුවා. මට හිතුණෙම ඔහු දැන් ගොඩනැගිල්ල කඩන් වැටුනොත් මොනවා වෙයිද කියලා අහයි කියලා. මා දිහා එක එල්ලෙ බලන් හිටපු ඔහු " දකුණු ගොඩනැගිල්ල මේ දැන් කඩන් වැටුණා" කිව්වා. " - Capt. Jay Jonas
---------------------------------------------------------------------------------------------------------------------------------------------------------

එය හිතාගැනීමට අපහසු තරමේ ඛේදවාචකයකි. වෙළද මධ්‍යස්ථානය අවට මංමාවත් අධික දුහුවිල්ලෙන් සහ අබලි ද්‍රව්‍යන්ගෙන් මොහොතකින් වැසී ගියේය. දකුණු ගොඩනැගිල්ලෙ සිරවු ජනතාව සහ ඔවුන් මුදවා ගැනීමට ගිය ගිනි භටයන් සියලු දෙනාම මොහොතකින් මරු වැළදගෙන තිබුණි. 

---------------------------------------------------------------------------------------------------------------------------------------------------------
මට දැනුණා අපි මොන තරම් අවධානමකද ඉන්නෙ කියන එක. තවදුරටත් කාලය අපත් සමඟ නෙමේ තිබුණේ. අපි වාසනාවන්ත නම් අපිට මේ මර උගුලෙන් ගැලවෙන්ඩ පුළුවන් වෙයි. මම මගේ පිරිස දිහා බලමින් "කණගාටුයි කොල්ලනේ, අරක කඩන් වැටුණා කියන්නෙ, මේකත් මේකත් කොයිවෙලේද කියන්ඩ බෑ. අපි වහාම මෙතනින් ඉවත් වෙන්ඩ ඕනා" යි කිව්වා. - Capt. Jay Jonas
---------------------------------------------------------------------------------------------------------------------------------------------------------

කපිතාන් Jay Jonas ප්‍රධාන ගිනි භටයන්, සිය ජීවිතය උදෙසා නැවතත් වේගයෙන් පහළට බසින්නට වූහ. දකුණු කුළුණ ඔවුනට ඒ සඳහා ප්‍රමාණවත් අනතුරු හැඟවීමක් කොට තිබුණි.

උදෑසන 10:15 ට, පහළොස් වෙනි මහලේදී ඔවුනට ඉබි ගමනින් පහත බසින ජොසෆින් හැරිස් මහත්මියව හමු වෙයි. ඇයගේ සහයට ඇයගේ කළමනාකාරවරයාද ඇය සමඟ විය. කපිතාන් ජෝනස් කළමනාකාර වරයාට හැරිස් මහත්මිය හැර යන ලෙස උපදෙස් දෙන්නෙ ඇයගේ වගකීම ඔවුන් අතට ගනිමිනි. එය කඩා වැටෙන ගොඩනැගිල්ලකින් ඉවත්වෙන මිනිසුන්ගෙන් බලාපොරොත්තු නොවිය හැකි තරමේ කැප කිරීමකි. නිර්භීත කමකි.

හැරිස් මහත්මිය මේ වනවිට හොඳටම විඩාවට පත්වී සිටියාය. ඇයගේ කකුලේ වූ තුවාලය ගමනේ වේගය තවත් අඩාල කළේය.

---------------------------------------------------------------------------------------------------------------------------------------------------------

මම බිලිට කොඳුරලා කිව්වා බිලී අඩිය ඉක්මන් කරලා යමු කියලා. මම මේක කිව්වෙ බොහොම හිමින්, කලබලයක් නැතිව. ඒත් ඒ මොහොතේ මම ඇතුළෙන් දැවෙමින් හිටියේ. අපි මීට වඩා වේගෙන් නොගියොත් අපිට මේ මර උගුලෙන් ගැලවෙන්ඩ හම්බෙන්නෑ කියන සිතුවිල්ල මට තදින්ම දැනුණා. - Capt. Jay Jonas
---------------------------------------------------------------------------------------------------------------------------------------------------------

උදෑසන 10:24 ට ඔවුන් යාන්තමින් සිව්වන මහල වෙතට ළඟා වූහ. ඒ මොහොතවන විට හැරිස් මහත්මියට තව දුරටත් සිටගෙන සිටීමටවත් නොහැකි තත්ත්වයක ඇය පසු වූවාය.

---------------------------------------------------------------------------------------------------------------------------------------------------------

අපි හතරවෙනි තට්ටුවට එනකොට හැරිස් මහත්මියට තවදුරටත් සිටගෙනවත් ඉන්ඩ පුළුවන් තත්වයක් තිබුණේ නෑ.. ඇය කිව්වා " මාව අතෑරලා ඕගොල්ලො යන්ඩ " කියලා.. අපි කොහොමද ඇයව අතෑරලා යන්නෙ ? - Capt. Jay Jones
---------------------------------------------------------------------------------------------------------------------------------------------------------

මේ අතර ප්‍රවේශ ශාලවේ, සියලු දෙනාම සිය ජීවිත ගලවා ගැනීම වෙනුවෙන් පිටතට දිවයනවිට, තම සගයකු තවමත් පිය ගැටපෙළෙහි හිරවී ඇති බව වටහා ගත් ලුතිනන් ජිම් මැග්ලේන් ඔහුට සහය පිණිස ඇතුළට දිව යමින් සිටියේය. තමාව අනුගමනය නොකරණ ලෙස ඔහුගේ ඒකකයට නියෝග කළද ජේම්ස් එෆ්තිමියාඩේස් ඇතුළු අනෙකුත් සගයන් එම නියෝගයට අවනත නොවූහ. ඔවුන්ද ඔහු පසු පස වැටිණි.

ජේම්ස් සිය සගයනට සහය පිණිස පිය ගැට පෙළට ඇතුළු වූවා පමණී, ගොඩනැගිල්ල තුළ සිරවී සිටි අයවලුන් තත්පරයකින් හෝ පමාවේවායි පැතූ ඒ අති බිහිසුණු ඛේදවාචකය ඇරබුණි. ගොඩනැගිල්ල තුළ වූවන්ගේ රුධිරය ජලය බවට පත් කරමින්, හද ගැස්මේ වේගය උපරිම කරමින්, ලොමුදැහැගන්වමින්, උතුරු කුලුණ කඩා වැටීමට ඇරබුණි.

මේ ඔවුන්ගේ මරණාසන්න අත්දැකීම්ය.

---------------------------------------------------------------------------------------------------------------------------------------------------------

මම පඩි පෙළට ඇතුළු වුණා පමණයි. මට ඇහුණා ගොඩනැගිල්ල කිරි කිරි ගාන ශබ්දය. මට තේරුණා මේකත් කඩා වැටෙන්ඩ තමා යන්නෙ කියලා. - James Efthimiades
---------------------------------------------------------------------------------------------------------------------------------------------------------

---------------------------------------------------------------------------------------------------------------------------------------------------------

මෙදා සැරේ ගොඩනැගිල්ල සෙලවෙන කොට වෙන්න යන්නෙ මොකක්ද කියන එකේ සැකයක් තිබුණෙ නෑ. මොකද, අපිට ඇහුණා තට්ටු එක මත එක පතිත වෙමින් ගොඩනැගිල්ල පහළට එන ආකාරය. - Jim McGlynn
---------------------------------------------------------------------------------------------------------------------------------------------------------

---------------------------------------------------------------------------------------------------------------------------------------------------------

එක තට්ටුවක් ඊළඟ එකේ වදින වාරයක් පාසා ලොකු ශබ්දයක් සමඟ විශාල දෙදරීමක් ඇති වුණා. කොච්චරද කියනවනම් අපි හිටපු තට්ටුවෙ අපිව ඉහළ පහළ විසිවුණා. ඒ එක්කම කුලුණ ළඟ ළඟම කඩා වැටීගෙන එන ශබ්දය ඇසුණා. - Capt. Jay Jonas
---------------------------------------------------------------------------------------------------------------------------------------------------------

---------------------------------------------------------------------------------------------------------------------------------------------------------

" මම මුල්ලකට පෙරළිලා කකුල් දෙක අතර හිස සඟවන් අවසානය එන තෙක් බලාගන සිටියා."  - Jim McGlynn
---------------------------------------------------------------------------------------------------------------------------------------------------------

---------------------------------------------------------------------------------------------------------------------------------------------------------

" භූම් භූම් භූම් අනුකරණයෙන් තට්ටු එකින් එක හැප්පෙමින් කඩා වැටෙනවා හඬ අපට හොඳින්ම ඇසුණා. මට මතකයි මම හිතනවා අය්යෝ ඒක පටන් අරන්, අපට පැනගන්ඩ බැරි වුණානෙ කියලා."  - Sal D'agostino
---------------------------------------------------------------------------------------------------------------------------------------------------------

---------------------------------------------------------------------------------------------------------------------------------------------------------
මම හිතුවෙ ඊළඟ තත්පර කිහිපයෙදි මාව මැරෙනවා කියලා. ඒක ඉක්මනින්ම වෙන්න කියලා මම ප්‍රාර්ථනා කළා. මට ඕනා වුණේ නෑ අබාධිතයෙක් හැටියට ජීවත් වෙන්ඩ නම්. - Mickey Kross
---------------------------------------------------------------------------------------------------------------------------------------------------------

---------------------------------------------------------------------------------------------------------------------------------------------------------

ඒ තත්පර දහයෙදි මට කල්පනා වුණේ ගෙවිච්ච අවුරුදු තිස්තුනටම මම මොනවද කරලා තියෙන්නෙ කියලා. බොහෝ වෙලාවට වැඩ කිරීමම පමණයි. මගේ බිරිඳ දැන් වැන්දබුවක් වේවි. මගේ අවමගුල් උත්සවයට සියලුදෙනාම, දෙමාපියන්, පවුලේ අය සහභාගි වන ආකරයත් මගෙ කල්පනාවට නැගුණා. - James Eftimiades
---------------------------------------------------------------------------------------------------------------------------------------------------------


උතුරු කුළුණේ කඩා වැටීම එහි සිරවූ පුද්ගලයන් 1300 කට අධික පිරිසකට මරු කැඳවීය. එහෙත්,
"B" පියගැටපෙළෙහි සමහර කොන්ක්‍රීට් බිත්ති, ඒ තුළ සිරවූ 14 දෙනෙකුගේ ජීවිත රැකගනිමින් නොසැලී සිටියහ.


තම දෑස් විවර කොට බලන විට ඔවුන් ආශ්චර්යයක් අත් විදිමින් සිටියහ. ජීවිතයේ අවසාන මොහොතට සූදානම් වී දෑස පියාගත් පසු නැවත එම දෑසම විවර කොට මෙලොව දකින්නට ලැබීම කිනම් වූ අත්දැකීමක් වේවිද ? ඔවුන් දැන් මේ විදිමින් සිටිනුයේ ඒ විරල අවස්ථාවයි.

අවටින් ඇසුණ ශබ්ද නිසා, කපිතාන් ජෝනස්ට තමන්ද, සිදුවීමට අපහසු හාස්කමක කොටස් කාරයකු වී ඇති බව තේරුම් ගැනීමට වැඩි වේලාවක් ගත නොවුණි.


ඛේදවාචකයෙන්, සම්පූර්ණ Ladder 6 කණ්ඩායමම සහ ජොසෆින් හැරිස් මහත්මිය දෛවෝපගත ලෙස දිවිගලවාගන තිබුණි. මෙම හාස්කම සිදුවූයේ කෙසේදැයි මුලදී විශේෂඥයන්ව අන්ධ මන්ද කළද, දැන් ඔවුන් ඒ සඳහා ආසන්න හේතුවක් ඉදිරිපත් කොට ඇත. ගොඩනැගිල්ල කඩා වැටීමේදී එහි පිටත කොටස්, ඇතුළත කොටස් වලට වඩා වේගයෙන් කඩා වැටීම හේතුකොටගෙන ගොඩනැගිල්ලෙ පාදම දෙසට වන්නට ආරක්ෂිත අවකාශයක් ඉතිරි වී ඇත. දිවිගලවා ගත්වූවන් සිරවූයේ මෙම කොටසේය.


වෙළද මධ්‍යස්ථානය අවට කලාපයම ඝන දූලි වලාවකින් වැසීගොසිනි. සතර අතින් අනෙකුත් ගොඩනැගිලි මධ්‍යයෙන් දූලිවලාව ගමන් කෙරුවේ කාන්තාර වල ඇතිවෙන වැලි කුණාටුවක් සිහිපත් කරවමිනි. මෙය පිටත සිටි ගිනි භටයනට සිය කාර්යයන් අපහසු කළේය. ගමන් කථන හරහා කෙරුණ සන්නිවේද කටයුතුද ඇන හිටිනි.


දූලි වලාව පහව ගිය වහාම, විදුලි පණිවිඩ සංඥා මගින් දසතින් ඇසෙන්නට වූයේ උපකාර ඉල්ලා නිකුත් කෙරුණ පණිවිඩයි. ( Mayday Messages )


කපිතාන් ජොනස්ද තමන්ගේ Mayday පණිවිඩය ගුවනට මුදා හළේය. එහෙත්, එකවර දසතින් ඇසුණු උපකාර ඉල්ලීම වලට යහපත් ප්‍රතිචාරයක් නොලැබුණි. ඔහුගේ පණිවිඩයටද ප්‍රතිචාරයක් නොමැත.



කපිතාන් ජෝනස් ඇතුලු Ladder 6 කණ්ඩායම හා ජොසෆින් හැරිස් සිරවී සිටි ස්ථානයට පහළට වන්නට ලුතිනන් ජිම් මැග්ලේන් හා ඔහුගේ කණ්ඩායමද සිරවී සිටියහ. මිකී ක්‍රොස් අන් අයගෙන් හුදකලාවූ වෙනමම ස්ථානයක තනිවම සිරවී සිටියේය. සියලු දෙනාම පසු වූයේ බරපතල අවිනිශ්චිතතාවයක. බාහිර ලෝකය සමඟ තිබු සම්බන්ධය බිඳී තිබුණ හෙයින් පිටත සිදු වන්නේ කුමක්දැයි ඔවුනට අවබෝධයක් නොවුණි. කපිතාන් ජෝනස් දිගින් දිගටම උපකාර ඉල්ලා කෙරෙන පණිවිඩ නිකුත් කරමින් ප්‍රතිචාර බලාපොරොත්තුවෙන් පසු විය. තවමත් ඔහුගේ පණිවිඩ වළට ප්‍රතිචාරයක් නොමැත.


සෙවීමේ සහ ගලවා ගැනීමේ මෙහෙයුම් ඇරබුණි. එහෙත්, එය සිතූ තරම් පහසු කටයුත්තක් නොවුණි. ඉතා සෙමෙන් කළයුතුවූ අනතුරුදායක කටයුත්තක් වී තිබුණි. සිය ගණනින් නව ගිනි භටයන් එම ස්ථානයට ළඟා වන විටත් කපිතාන් ජෝනස් සිය උපකාර පණිවිඩ සඳහා ප්‍රතිචාර බලාපොරොත්තුවෙන් පසු විය. ඔහුට වෙන කළ හැකි කිසිවක් නොවුණි.


---------------------------------------------------------------------------------------------------------------------------------------------------------
අපිට තේරුණා මෙතනින් බාහිර උදව් නැතුව ගැලවෙන්ඩ බැරි විත්තිය. ඒක ගිනි භටයකුට ඉතා විශාල මානසික පීඩනයක් ගෙනදෙන කාරණයක්. මොකද අපි නිතරම අන් අයව ගලවා ගැනීමට යන අය. දැන් ඔක්කොම කණපිට හැරිලා, අපිට වෙන කවුරු හරි ඇවිත් අපිව බේර ගන්නකම් බලා ඉන්ඩ වෙලා. - Capt. Jay Jonas 
---------------------------------------------------------------------------------------------------------------------------------------------------------


සැප්තැම්බර් 11, මද්‍යහනය වන තුරුත් කපිතාන් ජෝනස්ගේ පණිවිඩ වලට ප්‍රතිචාරයක් නොමැත. පිටත සිටි ගිනි භටයනට ඔවුන් සිරවී සිටින්නේ කෙතරම් ආසන්නයේදැයි අදහසක්ද නොවුණි. කපිතාන් ජෝනස් නැවතත් සිය ගුවන් විදුලි පණිවිඩය මුදා හළේය. මෙවර එය සාර්ථක විය. බලාපොරොත්තු නොවූ ලෙස මෙවර එයට ප්‍රතිචාර දැක්වීය. ඒ ගලවා ගැනීමේ මෙහෙයුම් සම්බන්ධීකරණය කරමින් සිටි Chief Nick Visconti ය.



---------------------------------------------------------------------------------------------------------------------------------------------------------
මට ඇහුණා නික් ගුවන් විදුලි යන්ත්‍රයෙන් අප අමතනවා " Operations to ladder 6, all units stand by, operations to ladder 6, Jay, where are you ? " - Capt. Jay Jones
---------------------------------------------------------------------------------------------------------------------------------------------------------


නමුත් කපිතාන් ජෝනස් සඳහන් කළ ස්ථානය ඔවුනට කිසිසේත්ම විශ්වාසකළ නොහැකි එකක්ම විය. උතුරු කුළුණක් තව දුරටත් නොපැවතුණි. නික් විසින් කිහිප වරක්ම ජෝනස්ගෙන් ස්ථානය පිළිබඳ විමසා සිටියේ මෙම ව්‍යාකූලතාවය මගහරවා ගැනීමටය.


---------------------------------------------------------------------------------------------------------------------------------------------------------
මට ඇහුණා කවුදෝ ගුවන් විදුලියෙන් අහනවා " කොහෙද උතුරු කුළුණ තියෙන්නෙ " කියලා. - Capt. Jay Jones
---------------------------------------------------------------------------------------------------------------------------------------------------------


නික් විස්කොන්ටී විසින් යුහුසුළුව ඔවුන්ව ගලවා ගැනීම සඳහා කණඩායමක් පිටත් කෙරිණ. ග්ලෙන් රෝහන් ප්‍රධාන කණඩායමට එම කාර්යය පැවරිණ. නමුත් මුලින්ම ඔවුනට උතුරු කුළුණේ නටබුන් සොයා ගැනීමේ අභියෝගයට මුහුණ දීමට සිදු විය.

---------------------------------------------------------------------------------------------------------------------------------------------------------
නික් කිහිප වරක්ම මට ගුවන් විදුලියෙන් කතා කළා. ඔහු පැවසූවේ " මම උඹව බේරගන්ඩ එනවා සහෝදරයා. මම එනවා. "  - Capt. Jay Jonas
---------------------------------------------------------------------------------------------------------------------------------------------------------


මේ අතර තවත් දෙයක් සිදු විය. පැවති දූලි වලාව පහව ගොස් අවට වාතාශ්‍රය පැහැදිලි වූ විට, තමන්ගේ ගැලවීම් මාර්ගය වැටී ඇත්තේ කොහෙන්දැයි පෙන්වමින් සූර්යයා දිදුලමින් මග පෙන්වන්නට විය. විවරයක් තුළින් සූර්යාලෝකය ඔවුන් සිටි තැනට වැටී තිබුණි.


එම මාර්ගය ඔස්සෙ ඇඳුණු කඹයක් ආධාරයෙන් සමහර භටයන් ඉහළට නැගීම ඇරඹීය. අනෙක් අය සුන් බුන් අතර තව දුරටත් සිරවී සිටියහ. පැය හතරකට අධික කාලයක් නටබුන් අතර සිරවී සිට ගොඩට පැමිණි භටයන් සිය අවට දක්නට ලබුණු විනාශයේ ප්‍රමාණයෙන් විමතියට පත්වූහ.


---------------------------------------------------------------------------------------------------------------------------------------------------------
මම අවට බලද්දි දක්කේ හැමතැනම පැතිරුණු ගින්දර, දුම් සහ නටබුන් විතරයි. හරියට නිකම් න්‍යෂ්ටික බෝම්බයකට අහුවෙලා වගේ. මේකෙන් බේරුණා කියලා මට විශ්වාසකරන්ඩත් බෑ වගේ. - Capt. Jay Jonas
---------------------------------------------------------------------------------------------------------------------------------------------------------


මෙසේ පිරිසක් ගලවා ගැනීමෙන් අනතුරුව, ග්ලෙන් රෝහන් ජොසෆින් හැරිස් මහත්මියව සහ අනෙකුත් භටයන්ව බේරා ගැනීම උදෙසා අදාළ විවරය දිගේ කඹයක් ආධාරයෙන් පහතට බසින්නට විය.


---------------------------------------------------------------------------------------------------------------------------------------------------------
මට මතකයි ඔහු පහළට එනවා. ඒත් ඔහු ආවෙ කඹයකින්. කොහොමද ඔවුන් මාව කඹයක් ආධාරයෙන් ගලව ගන්ඩ යන්නෙ? - Josephine Harris
---------------------------------------------------------------------------------------------------------------------------------------------------------


---------------------------------------------------------------------------------------------------------------------------------------------------------
මම කිව්වා ජොස්ෆින්ට, අපේ තව පිරිස් සහ උපකරණ එනවා. අපි ඔබව මෙතනින් ගලව ගන්නම්. ඒ ගැන බය වෙන්ඩ එපා කියලා. - Glenn Rohan
---------------------------------------------------------------------------------------------------------------------------------------------------------


ජොස්ෆින් හැරිස්ව බේරා ගනීමෙන් අනතුරුව, ග්ලෙන් රෝහන් සිය අවධානය යොමු කෙරුවේ ජිම් මැග්ලේන් අතුළු ඔහුගේ කණ්ඩායම වෙතයි. ජිම් මැග්ලේන් ඔහුට පහතින් සිරවී ඇති සිය සගයන් දෙදෙනා ගලවාගන්නා තුරු එතනින් යාම ප්‍රතික්ෂේප කළේය. පැයක පමණ වූ අති දුෂ්කර ව්‍යායාමයකින් පසුව ග්ලෙන් රෝහන් විසින් පහතින්ම සිරවී සිටි අවසන් භටයන් දෙදෙනාද ගලවා ගන්නා ලදී. "B" පියගැට පෙළෙහි සිරවූ ගිනි භටයන් දාහතර දෙනාවම මෙසේ ගලවා ගන්නා ලදී. පුදුමයකට මෙන් ඔවුන් සියලු දෙනාම බරපතල තුවාල කිසිවක් ලබා නොතිබුණි.

පස්වරු තුනට කපිතාන ජේ ජෝනස්, සිය ආගමනය වාර්තාකිරීම සඳහා අණ නිකුතු ඒකකය සොයාබලන විට   Peter Hayden ගිනි නිවීම් රථයක් මත සිට ගලවා ගැනීම මෙහෙයුම් සම්බන්ධීකරණය කරමින් සිටිනු දක්නා ලදී.


---------------------------------------------------------------------------------------------------------------------------------------------------------
ජේ මාවෙත පැමිණ ආචාර කොට " කපිතාන් ජෝනස් සේවයට වාර්තා කරනවා " යි පැවසුවා. - Peter Hayden
---------------------------------------------------------------------------------------------------------------------------------------------------------


---------------------------------------------------------------------------------------------------------------------------------------------------------
ඒක අපි දෙදෙනාටම හරිම හැඟුම් බර මොහොතක්. ඔහු කීවා "ජේ ඔබව දකින්න ලබුන එක හොඳයි" කියා, එතකොට මම කීවා නැවත මෙහි සිටීමට ලැබීමත් හොඳයි කියා. - Capt. Jay Jonas
---------------------------------------------------------------------------------------------------------------------------------------------------------


ඉවතට පැමිණි මිකී ක්‍රොස් සිය ඒකකය සොයන්නට විය. අණ නිකුතු ඒකකයට ආසන්නයේ වූ මේසයක් දුටු මිකී ඒ වෙත ගමන් කෙරිණ.


---------------------------------------------------------------------------------------------------------------------------------------------------------
එම මේසය වෙත ගමන් කොට මම කිවා " මම ලුතිනන් මිකී ක්‍රොස්, Ladder 16 වෙතින්. " එවිට ඔවුන් දීර්ඝ නම් ලයිස්තුවක් පරික්ෂා කොට " ඔබ අතුරුදහන් වූ හෝ මිය ගිය ලෙස මෙහි වාර්ථා වී තිබෙනවා " යි කීවා. " නැහ් නැහ්.. මම මේ ඉන්නවා.. කෝ මගේ කණ්ඩායම " " ඔවුන් සියලු දෙනාම හොඳින් " යි ඔවුන් කීවා - Mickey Kross
---------------------------------------------------------------------------------------------------------------------------------------------------------


මිකී ක්‍රොස් ගේ කණඩායමේ සියලු දෙනාම අනතුරින් දිවි ගලවා ගෙන තිබුණි.


සිය ප්‍රථමදාර අවසන් වූ වහාම ජිම් මැග්ලේන් සිය ඒකකයේ අනෙක් සගයන් ගැන සොයා බලන්නට විය. ඔහුගේ කණ්ඩායමේද සියලු දෙනාම දිවි ගලවා ගැනීමට සමත්ව සිටියහ.


ජේමස් එෆ්තිමියාඩේස් තදබල හුස්ම ගනීමේ අපහසු තාවයකින් පෙළෙන්නට විය. ප්‍රථමාධාර වලින් පසුව ඔහුව වහාම රෝහල කරා යොමු කෙරිණ. ඊට පෙර සිය බිරිඳට කතා කිරීමට ඔහු සමත් විය.


---------------------------------------------------------------------------------------------------------------------------------------------------------
" මම හොඳින් ඉන්නවා. මම දැන් රෝහලට යන්ඩයි යන්නෙ. අම්මටත් කතා කරලා කියන්න මම හොඳින් කියලා. "  - James Eftimiades
---------------------------------------------------------------------------------------------------------------------------------------------------------

~~~~~

පසුව සොයා ගත් සිය ගණනකගේ සිරුරු අනුස්මරණීය ලෙස භූමදාන කරන ලදී. එක්දහස් ගණනක් අංශු මාත්‍රයක හෝ සටහනක් නොතබා සුන්බුන් අතර අතුරුදහන්ව සිටියහ.


කපිතාන් ජෝනස් සිතන පරිදි ජොස්ෆින් හැරිස්ගේ භූමිකාව මෙහිදී ඔවුන්ගේ ජීවිත ගැලවීම කෙරෙහි තදින්ම බලපා ඇත. 


---------------------------------------------------------------------------------------------------------------------------------------------------------
ජොසෆින් හැරිස්ගේ ජීවිතය ගලවා ගැනීම වෙනුවෙන් නතරවීමට ගත් තීරණය ඇත්තෙන්ම අති විශාල සාධකයක්. අපට මෙන්ම ඇයටත්. අපි ඇයව ගලවා ගැනීමට නතර නොවුණේ නම් මේ වෙනකොට අපි කොහේ ඉඳියිද ? - Capt. Jay Jonas
---------------------------------------------------------------------------------------------------------------------------------------------------------


ඔවුන් එසේ දිවි ගලවා ගැනීමට වාසනාවන්ත වුවද, නිව් යෝර්ක් ගිනි නිවීම් දෙපාර්තමේන්තුවේ භටයන් 343 දෙනෙකු සිය ජීවිතය පූජා කොට තිබුණි. එය නිව් යෝර්ක් ගිනි නිවීම් දෙපාර්තමේන්තුවේ අඳුරු දවසකි.

~~නිමි~~

" The Miracle of stairwell  B " වාර්තා චිත්‍රපටය අකුරු වලට හැරවූයේ ;


~~ සෙන්නා / 20.07.2012

පසු සටහන් :
1. කිසිත් නැත. වැරදි ඇතොත් කියන්න.

යුද්ධය අවසන්... එළියට එන්න....

2012 පොසොන් මස 29 වනදා

"ඕනෑම දෙයක් ඕනෑවට වඩා ඕනෑම නැත." අසා තිබේද මේ ආප්තෝපදේශය ? පිළිගැනීමට අපහසුතාවයක් දැනෙනවානම්, කියවමු මේ කතාව.

මෙන්න අණ ! 

~~~

ඔබට සිය දිවි නසා ගැනීම සම්පූර්ණයෙන්ම තහනම්ය. අවුරුදු තුනක් හෝ පහක් විය හැකියි, මොනදේ සිදු වූවත් අපි ආපහු ඔබ වෙතට එන්නෙමු. ඒතාක්, එක් සොල්දාදුවෙක් ඉතුරු වෙනතාක්, ඔබ ඔහුට නායකත්වය දිය යුතුයි. සමහර විට ඔබට පොල් කෑමෙන් පමණක් දිවි රැකගැනීමට සිදු වේවි ! එසේ වූවොත් එසේ කරන්න. කිසිදු තත්ත්වයක් යටතේ, ඔබට ඔබගේ දිවි තොර කර ගැනීමට අවසර නොමැත.

~~~

වැරදුණේ කොතනද ? කාටද ?

~~~~~

1945 දී අවසන් වූ දෙවන ලෝක සංග්‍රාමය, 1945 දී අවසන් වූ බවට, 1974 තෙක්ම විශ්වාස නොකල සොල්දාදුවකු සිටි බව මා කීවොත් ඔබ එය විශ්වාස කිරීමට සූදානම්ද ?

~~~~~

හීරෝ ඔනාඩා ( Hiroo Onoda ), වයස අවුරුදු විස්සයි ඔහුට හමුදාවට බැදීමට ආරාධනා ලැබෙන විට. ඒ වෙනකොට ඔහු නිවසින් ඉතා දුර බැහැර පිහිටි ආයතනයක තමා සේවය කරමින් සිටියේ. ශාරීරික පරීක්ෂණයෙන් සමත් වුණ ඔනාඩා හමුදාවට බැදීම උදෙසා නැවතත් නිවස බලා එනවා. ජපාන රාජකීය හමුදාවේ නිලධාරී තනතුරක පුහුණු වන ඔනාඩා බුද්ධි නිලධාරීන්ව පුහුණු කරන පාසලේ පුහුණු වීම සඳහා තෝරා ගනු ලබන අතර එහිදී ඔහු ගරිල්ලා සටන් සහ බුද්ධි තොරතුරු එකතු කිරීම පිළිබඳ මනා පුහුණුවක් ලැබූ බවට පැවසෙයි. 

1944 දෙසැම්බර් 17 වෙනිදාට එළි වුණා. ඔනාඩා ඇතුළු ඛණ්ඩය පිලිපීනයේ ලුබන්ග් දිවයිනේ පිහිටි "සුගී බ්‍රිගේඩය " හා එක්වීමට යෑමටයි මේ සූදානම. කණ්ඩායම එහිදී ගරිල්ලා මෙහෙයුමක් සිදුකිරීම සඳහා නායකත්වය දීමේ වගකීම පැවරිලා තිබුණේ ඔනාඩායි. පිටත්වීමට මොහොතකට කලින් සේනාංකය බාර අණදෙන නිලධාරියා විසින් ඔවුන්ව නවත්වනවා. කුමකටද ?

මෙන්න අණ ! 

~~~

ඔබට සිය දිවි නසා ගැනීම සම්පූර්ණයෙන්ම තහනම්ය. අවුරුදු තුනක් හෝ පහක් විය හැකියි, මොනදේ සිදු වූවත් අපි ආපහු ඔබ වෙතට එන්නෙමු. ඒතාක්, එක් සොල්දාදුවෙක් ඉතුරු වෙනතාක්, ඔබ ඔහුට නායකත්වය දිය යුතුයි. සමහර විට ඔබට පොල් කෑමෙන් පමණක් දිවි රැකගැනීමට සිදු වේවි ! එසේ වූවොත් එසේ කරන්න. කිසිදු තත්ත්වයක් යටතේ, ඔබට ඔබගේ දිවි තොර කර ගැනීමට අවසර නොමැත.

~~~

අණ දෙන නිලධාරියාවත් නොහිතපු, බලාපොරොත්තු නොවූ බරපතල කමකින් ඔනාඩා මේ අණ පිළිපැදීමට අධිෂ්ඨාන කරගන්නවා. අන්න ඒ වැඩකට නැති අධිෂ්ඨානය නිසා තමයි, මෙහෙම කතාවක් ලෝක ඉතිහාසයේ ලියවිලා තියෙන්නෙ. ඔබ දැන් මෙහෙම කතාවක් කියවන්නෙ. 

ලුබන්ග් වලදී ඔනාඩාට පැවරුණ ප්‍රධාන රාජකාරි දෙකක් තිබුණා. එකක් තමයි වරායේ බැම්ම පුපුරුවා හැරීම. අනෙක තමයි ගුවන් ධාවන පථය විනාශ කිරීම. එහෙත් අනෙක් අණ දෙන නිලධාරීන්ගෙන් එතරම් සහයෝගයක් නොලැබුන නිසා මේ වැඩ දෙකම අතපසු වෙනවා. ඔය අතරේ තමයි මිත්‍ර පාක්ෂික හමුදා දිවයිනේ බලය අල්ලා ගන්නෙ. සතුරු ප්‍රහාර හමුවේ කොටස් වලට කැඩෙන ජපාන හමුදාව දිවයිනේ වනාන්තර ඇතුළටම වදින්නෙ ජීවිත ආරක්ෂාව පතා. ඉතුරු වූ හමුදා භටයන් හතර දෙනෙකුගෙන් යුක්ත කුඩා කොටස් වලට කැඩිලා විසිර යනවා. ඔනාඩාගේ කණ්ඩායමේ හිටිය පිරිස තමයි මේ;

• Corporal Shoichi Shimada (age 30), 
• Private Kinshichi Kozuka (age 24), 
• Private Yuichi Akatsu (age 22), 
• Lt. Hiroo Onoda (now age 23).

ඔන්න දැන් තමයි දුෂ්කර කාලෙ පටන් ගන්නෙ. ආහාර සීමිතයි, ජලය සීමිතයි, අනෙකුත් පහසුකම් අවමයි. ඒ අතර ජීවිතය පවත්වාගනිමින් සහ පවත්වා ගැනීම සඳහා සතුරු හමුදා සමඟ සුලු සටන් වල නිරත වෙන්ඩත් ඔනාඩා ඇතුළු කණඩායමට සිදු වුණා. තිබුණ සීමිත ආහාර ප්‍රමාණය කොහොමත් මේ සඳහා ප්‍රමාණවත් වුණේ නෑ. කිව්වා වගේම ඔවුනට පොල් වල සහ කෙසෙල් වල පිහිට පතන්ඩ සිදු වුණා. ඒ අතර ඉඳලා හිටලා ගමකට පැනලා හරකෙක්ව එලා නොගත්තමත් නෙමේ. මේ වෙනකොට බෙදිලා ගිය අනික් කණ්ඩායම් බොහෝදුරට යටත් වෙලා හෝ සතුරු හමුදා අතින් ඝාතනයට ලක්වෙලා. ඒත් ඔනාඩාගේ කණ්ඩායම වනය අභ්‍යන්තරයේ ඉඳන් සටන් කරමින් ජීවිතය පවත්වා ගැනීමට සමත් වුණා. 

යුද්ධය අවසන්... එළියට එන්න..

යුද්ධය අවසන් කියන දැන්වීමක් ඔනාඩා මුලින්ම දකින්නෙ 1945 ඔක්තෝබර් මාසේ. ඒකත් ගවයකුව එලා ගන්ඩ ගිය වෙනත් කණ්ඩායමක් මාර්ගයෙන්. ඒකෙ තිබුණෙ " යුද්ධය අවසන්.. එළියට එන්න " කියන පණිවිඩය. ඒත් ඊට දවස් කීපයකට ඉස්සෙල්ලා වෙනත් කණ්ඩායමකට ප්‍රහාරයක් එල්ල වෙලා තිබුණා. " යුද්දෙ ඉවරණම් ඇයි ප්‍රහාර එල්ල කරන්නෙ ? " ඒ තමයි ඔවුන්ට පැන නැගුණ ගැටලුව. අවසානයේදී තීරණය වුණේ " මේක සතුරු හමුදාවල උප්පරවැට්ටියක් " බවයි. ඉතින් ඔවුන් දිගටම කැලයේ ! 

නැවතත් 1945 අවසානයේදී, ගුවනින් දැන්වීම් හෙළනු ලබනවා. ජෙනරාල් යමශීටා විසින් යටත් වන ලෙස කළ ඉල්ලීමක්ද මේ දැන්වීම් එක්ක තිබුණත්, වසරකට වඩා කාලයක් කැලයේ සැඟවී සිටීම නිසාත්, යුද්ධය අවසන් වූ බවට කියවෙන එකම සාක්ෂිය මේ කරදාසි කැබැල්ල නිසාත් ඔවුන් මේ ගැන බොහෝ සුපරික්ෂාකරී වෙනවා. දැන්වීමේ වූ සමහර වචන සැකකටයුතුයි සලකන ඔවුන් නැවතත් එය "උප්පරවැට්ටිය" බවට තීරණය කරනවා. නැවතත් දිගටම කැලයේ ! 

ඉන් පස්සෙ, දැන්වීම් පිට දැන්වීම් දැමූවත්, පත්තර දැමූවත්, ඡායාරූප දැමූවත්, හිතමිතුරන් විසින් ලියූ ලිපි දැමූවත්, ඒ එකක්වත් ධනාත්මකව සලකාබැලෙන්නෙ නෑ. ඒ හැම එකකම මොකක් හෝ සැක කටයුතු කොස්සක් තිබුණා.

වසරින් වසර ගෙවුණා. හතර දෙනාම එකාවන්ව දුක සැප සමසේ අනුභව කරමින් කාලය ගෙවී ගියා. විටෙක ආහාර සොයාගන ඔවුන් ගම් වැදුණා. සමහර අවස්ථාවලදී ගැමියන් ඔවුන් අතින් ඝාතනයට පවා ලක් වුණේ අවිශ්වාසය නිසයි.. ඔවුන් විශ්වාස කළේ ගැමියන් ලෙසින් වෙස්වලාගන සිටින්නේ ඔවුනට ප්‍රහාර එල්ල කිරීමට එන සතුරු හමුදා හෝ ඔවුන්ගේ ඔත්තු කරුවන් බවයි. එය පිළිගැනීමට ඔවුනට අපූරු හේතුවකුත් තිබුණා. ඒ තමා සෑම විටම ඔවුන් ප්‍රහාරයක් එල්ල කළ සැණින් සෝදිසි මෙහෙයුම් ආරම්භ වීම. මෙසේ බාහිර ලෝකයෙන් වෙන්වූ හතර දෙනා අවිශ්වාස කිරීමේ චක්‍රයක පැටලී සිටියා. ඔවුනට, බාහිර ලෝකයේ අනෙක් සියලු දෙනාම සතුරන් ලෙසයි පෙනුණේ. 

1949 ත් උදා වුණා. දැන් අවුරුදු පහක් මේ කැලෑව තුළ. හිතාගන්ඩ පුළුවන්ද සතුරු ප්‍රහාර මධ්‍යයේ අවුරුදු පහක් කැලයක ජීවත් වීමක් ගැන ! පටන් ගන්න හැම දේකටම අවසානයක් තිබීම තමයි ලෝක ස්වභාවය. මෙන්න අවසානයේ ආරම්භය !

අකාට්සුට දැන් මේ ජීවිතේ තිත්ත වෙලා. එයා තීරණය කරනවා යටත් වෙන්ඩ. අනෙක් අයට නොකියා සැප්තැම්බර් මාසේ ඔහු කණ්ඩායමෙන් වෙන් වෙලා යනවා. මාස හයකට පස්සෙ ඔහු සතුරු හමුදාවන්ට යටත් වෙනවා. ඔනාඩාගේ කණඩායම මේක දකින්නෙ රහස් කාන්දු වීමක් හැටියට. ඔවුන් තව තවත් ආරාක්ෂාකාරී වෙනවා. 

1953 - ජූනි මාසෙදි ශිමාඩා සටනකදි තුවාල ලබනවා. නිසි ප්‍රතිකාර නොමැති කම නිසා ඔහුගෙ තුවාල සුව වෙන්න සෑහෙන හෙමින්. මෙම තත්ත්වය ඔහුට ඇති කරවන්නෙ ඛේදජනක ඉරණමක්. 1954 මැයි මාසේ ඇති වුණ සටනකදී මේ අසරණයා මිය යනවා. දැන් දෙන්නයි ඉතුරු.

ඔහුගේ මරණයෙන් අවුරුදු 20ක් පමණ වන තෙක් ඔනාඩා සහ ඔහුගේ සගයා කැලය තුළ ජීවත් වෙනවා. අවුරුදු විස්සක් !!! ඔව් අවුරුදු විස්සක් !!!

ඔවුන් ලැබුණ අණ අකුරටම පිළිපදිමින් කැලය තුළට වෙලා දිවිගෙවමින් ඉන්නවා. ඒ ඔවුන්ගේ ප්‍රධානීන්ගෙන් අණක් ලැබෙනකම්. ඔවුන්ගේ විශ්වාසය, තමන්ගේ රාජකාරිය ජපාන හමුදාවට ගරිල්ලා මෙහෙයුමක් මගින් පිලිපීන දූපත් අල්ලාගනීමට ඉවහල් වන බුද්ධි තොරතුරු එකතු කරමින් අණ ලබෙන තෙක් මෙහිම පසු වීම බවයි. 

1972 - ඔනාඩාට අවුරුදු 51 යි, කැලේට වැටිලා අවුරුදු 27 ක්. හිතාගන්ඩ පුළුවන්ද අධිෂ්ඨානයේ තරම. අපිට නිකම් විහිළුවක් වගේ පෙනුණට සමහර විට හමුදා විනය එහෙම වෙන්ඩ ඇති. ඒත් මෙතරම් කැපවීමක් ! හරි පුදුම ජනකයි !!

ඔක්තෝබර් මාසෙ, ඇතිවුණ සටනකදී ඔනාඩාගේ සගයා ඔහුව හැර යනවා. 1959 දී ඔනාඩා ඇතුළු කණ්ඩායම මියගිහින් කියලා අතහැරලා දාලා තිබුණේ. ඒත් කොසුකාගේ මිනිය හමුවීමත් සමඟ ඒ අදහස වෙනස් වෙලා ආයෙත් ඔවුන් ගැන හොයන්ඩ ගන්නවා. ඒත් ඔනාඩාව හොයාගන්ඩ ලැබෙන්නෙ ඔවුනට නෙමේ.

දැන් ඔනාඩා හුදෙකලාව සටනේ. අණදෙන නිලධාරියාගේ අණ නිතරම ඔහුගේ හිතේ රැව් දෙනවා. ඒ ඔස්සේ ඔහු සිය කටයුතු මෙහෙයවමින් හුදෙකලාවම සිය ජීවිතය මහ වනයට දිය කොට හරිමින් සිටිනවා. ඔනාඩාගේ සිතුවිලි ලෝකයේ තවමත් යුද්ධය අවසන් නෑ.

කටයුතු ඔහොම වෙමින් පවතිනකොට තමයි නෝරියෝ සුසුකි පාසලෙන් සමුඅරන් රට රට වල සංචාරයක් අරබන්නෙ. ඔහු සිය යාළුවන්ට කියනවා මෙතෙක් කාටවත් හොයා ගන්ඩ බැරි වුණ අරමුණු තුනක් හොයාගන තමන් පිලිපීනය, මැලේසියාව, සිංගපූරුව, බුරුමය නේපාලය සහ සමහර විට තවත් සමහර රටවල් කිහිපයක සංචාරය කරන බව. මොනවද මේ අරමුණු ? ඒ තමා, ලුතිනන් ඔනාඩා, පැන්ඩා සහ හිම මිනිසා. අවසානයේදී සුසුකි සාර්ථක වෙනවා. සුසුකි ඔනාඩාව හොයාගන්නවා විතරක් නෙමේ ඔහුත් එක්ක ඉක්මනින්ම මිත්‍ර වෙනවා. යුද්දෙ ඉවරයි කියල කිව්වට ඔනාඩා කැමති නැ නිකම්ම වැඩේ අතෑරලා දාන්න සහ යුද්දෙ ඉවරයි කියලා පිලිගන්ඩ.  එයා කියන්නෙ, තමන්ට අණ දුන්නු අණ දෙන නිලධාරියා ඇවිත් කිව්වොත් විතරක් තමන් මෙහෙයුම නතර කරනවා කියලයි. " ඕනැම දෙයක් ඕනෑවට වඩා ඕනෑම නැත. " කියලා කිව්වෙ ඒකයි.

දෙන්නගේ ඡායාරූපයක් එහෙම අරගන සුසුකි නැවතත් ජපානෙට යනවා. අණදෙන නිලධාරී මේජර් ටනගුචි ඒවන විට පොත් සාප්පුවක් කරමින් තමා ඉන්නෙ. සුසුකිගෙ කතාව අහන ජපාන රජය, මේජර් ටනිගුචිව සුසුකිට මුණගස්වන්ඩ සලස්වනවා. සුසුකි නැවතත් පිලිපීනයට එන්නෙ මේජර් ටනගුචීවත් කැටුව. කලින් එකඟ වෙච්ච තැනකදී හමු වීමෙන් පස්සෙ මේජර් ටනගුචී යුද්ධය අවසන් බවත්, සියලුම සටන් නතරකොට අති බවත් නිල වශයෙන් ඔනාඩාට දැනුම් දෙනවා. මෙම ආරංචිය විය යුතු පරිදිම ඔනාඩාව විමතියට සහ කම්පනයට පත්කරවනවා.

~~~

අහෝ ! අප යුද්ධය පැරදුනේද ? ඔවුන් එතරම් දුර්වල වූයේ කෙසේද ?

හදිසියේම සියල්ල අන්ධකාරයේ ගිලී ගිය සෙයකි. මාගේ අභ්‍යන්තරය කුණාටුවක් සේ කැලබෙයි. ඉතා පරික්ෂාකාරිව, අපහසුවෙන් ඉවසා සිටි දීර්ඝ කාලය පුරාවට මා මෝඩයකු වී ඇති සෙයක් දැනේ. ඊටත් වඩා මේ කාලය පුරාවට මා කර ඇත්තේ කුමක්ද ?

ජපාන හමුදාව වෙනුවෙන් ගරිල්ලා සටන් කරුවකු ලෙස මා ඉටුකළ මෙහෙය නිමාවට පැමිණ ඇත. මේ තමයි අවසානය !

මා, මාගේ රයිෆලයේ උණ්ඩ ඉවත් කොට ක්‍රියා විරහිත කළෙමි......

සැම විටම ඔසවන් ගිය මල්ල බිමින් තැබිමි. නිතර ඔප දමමින් දරුවකු මෙන් ආදරයෙන් රැක බලාගත් රයිෆලයෙන් හෝ කඳු අතර සඟවා ඇති කොසුකාගේ රයිෆලයෙන් මට තව දුරටත් ප්‍රයෝජනයක් නොමැත !

ඇත්තටම යුද්ධය වසර තිහකට පෙර නිම වුනේද ? එසේනම් ශිමාඩා සහ කොසුකා දිවි දුන්නේ කුමක් සඳහාද ? සිදුවෙමින් පැවති දෙය සත්‍යක්නම් මමත් ඔවුන් සමඟ මියගියානම් වඩා යෙහෙකි.

~~~

මෙම වසර 30 පුරාවටම, ඔවුන් විසින් අවම වශයෙන් 30 ක් වත් වූ පිලිපීන ජාතිකයන් සංඛ්‍යවක් ඝාතනය කොට තිබුණි. 100 ආසන්න සංඛ්‍යාවකට තුවාල සිදු කොට තිබුණි. එහෙත්, නිල වශයෙන් යටත් වීමෙන් පසු, පිලිපීන ජනපති ෆර්ඩිනන්ඩ් මාර්කෝස් විසින් ඔහු කළ සියලු අපරාධ වලට සමාව පිරි නැමීය.

ජපානයට පැමිණි ඔනාඩා දුටුවේ වෙනමම ලොවකි. ඒ ඔහු 1944 දී පිට වන විට තිබූ ජපානය නොවුණි. කාලය මහා වෙනසක් මවා තිබුණි. පසුව ඔහු බ්‍රසීලයේ ගොවිපළක් මිලදී ගෙන බ්‍රසීලයට සංක්‍රමණය වූ අතර 1976 දී විවාහ විය. 1996 දී නැවතත් පිලිපීනයට පැමිණියේ තමන් තිස් වසරක් පුරාවට දිවි ගෙවූ ස්ථානය දැක බලා ගැනීමටය. 

The War is Over . . . Please Come Out ලිපිය ඇසුරෙන් සකස් කෙරුවේ ~~ සෙන්නා / 29.06.2012

Kedr - තරු ඇල්ලු මිනිසා - අවසාන කොටස

තරු ඇල්ලූ මිනිසා - පළමු කොටසට >>>


2012 පොසොන් මස 09 වනදා

උපුටා ගැනීම : http://nalakagunawardene.com

මුලින්ම අභ්‍යාවකාශගත වන මිනිසා වීම සඳහා, යූරි ගගාරින් හා හර්මන් ටිටෝෆ් අතර තියුණු තරගයක් විය. දෙදෙනාම කරට කර සිටියහ. ඇත්තෙන්ම මුලින්ම බලධාරින්ගේ වැඩි කැමැත්ත වූයේ හර්මන් ටිටෝෆ් වෙතය. අවසානයේදී පෙර සඳහන් විභාග ප්‍රතිඵලය සහ යූරිගේ පවුල් පසුබිම ලොව මුල්ම ගගනගාමියා වීමේ වාසනාව යූරි වෙත ගෙන ආහ. ඔබ සැම දන්නා පරිදි සෝවියට් සමූහාණ්ඩුව යනු එවකට ලොව පැවති ප්‍රබලම සමාජවාදී රාජ්‍යයයි. ඒ ධනවාදය හා සමාජවාදය එකිනෙකා ගැටෙමින් සිටි සමයයි. යූරි ගගාරින් වනාහී සමාජවාදී ක්‍රමයක් තුළ ඕනෑම කෙනෙකුට, සාමාන්‍ය කම්කරුවෙකුගේ දරුවෙකුටද වුව ඉහළට පැමිණිය හැකි බව විදහා දැක්වෙන ජීවමාන සාක්ෂියක් විය. එබැවින් සෝවියට් සමූහාණ්ඩුවට, සාමාන්‍යය කම්කරුවකුගේ පුත්‍රයකු වූ යූරි ගගාරින්ව තෝරාගැනීම, ගුරුවරයකුගේ පුත්‍රයකු වූ හර්මන් ටිටෝෆ්ව තෝරාගැනීමට වඩා වැදගත් විය. කෙසේවෙතත්, යූරි ගගාරින් මුල්ම ගගනගාමියා ලෙසත්, හර්මන් ටිටොෆ් විකල්ප ගගනගාමියා ලෙසත් නම් කෙරිණ.

දිනය : 1961 අප්‍රියල් 12
ස්ථානය : කසාක්ස්තාන් හී Baikonur ගගන තොටුපළ

ලොව මුල්ම මිනිසකු අභ්‍යාවකාශගත කිරීමේ මෙහෙයුමට සියල්ල සූදානම්. අභ්‍යාවකාශ  ඇඳුමෙන් සැරසුණු යූරි සහ ටිටොෆ් බස් රථයකින් අදාළ ස්ථානයට ළඟාවුහ. ටිටොෆ් විකල්ප ගගනගාමියා ලෙස බස් රථයේ නතර වන විට, යූරි බසයෙන් බැස ගගණයාත්‍රාව වෙත පියමන් කෙරුණේ වැඩසටහනට සම්බන්ධ සියලුම ප්‍රධානීන්ගේ ආශිර්වාදය හා සුබ පැතුම් මධ්‍යයේය.

වොස්ටොක් 1 ගගන යාත්‍රාව, ඉහළින් සවිකෙරුණු වෘත්තාකාර සේවා ඒකකයකින් සමන්විතවූ, ( යූරි අසුන් ගැනුණේ මෙහිය ) සහ අවස්ථා තුනකදී ක්‍රියාත්මක වන රොකට් වලින් සමන්විතවූ යාත්‍රාවකි. යාත්‍රාව සම්පූර්ණයෙන්ම ස්වයංක්‍රීයව ධාවනය වීමට නිර්මාණය කෙරී තිබිණ. ඒ ශුන්‍ය ගුරුත්වයේදී මිනිසකුගේ මානසික සහ ශාරීරික තත්ත්වයන් කෙසේ ක්‍රියාත්මක වේදැයි පැහැදිලි අදහසක් ඒවන විට කිසිවකුටත් නොවූ හෙයිනි. කෙසේ වෙතත් අවශ්‍යය වුවහොත් ගගනගාමියාට යානයේ පාලනය සියතට ගතහැකි කේතයන් සහිත උපදෙස් පත්‍රිකාවක්ද සපයා තිබුණි.

විශේෂයෙන් සඳහන් කළයුතු කාරණය වන්නෙ සෑම මොහොතකම ඔහු බොහෝ සැහැල්ලුවෙන් සහ ප්‍රීතියෙන් සිටි බවයි. මෙහෙයුමේ සර්ථකත්වය ගණනය කොට තිබුණේ 50/50 ප්‍රතිශතයකටය. එනම් මෙමගින් ඔහුගේ ජීවිතය නැතිවීමේ අවදානම 50% කි. එහෙත් ඔහු පසු වූයේ ඉතා සතුටිනි. යානය ගුවන් ගත වන විට ඔහු  " The Motherland Hears, The Motherland Knows."  යන රුසියානු ගීතය උරුවන් බාමින් සිටි බවද කියවේ. එදින ඔහුගේ සෑම ක්‍රියාවක්ම, සෑම වචනයක්ම ඉතිහාසයේ රන් අකුරින් සටහන් විය, පූජණීය බවට පත්විය. 1961 අප්‍රියල් 12 යූරි ගගාරින් වෙනුවෙන්ම වෙන්වූ සෙයකි.

මොස්කවු වේලාවෙන් උදෑසන 09:07 ට එම ඓතිහාසික මෙහෙයුම ඇරඹුණි. " ඕන් අපි යනවා " වැනි අරුතක් දෙන රුසියානු වචනය වූ “ Poekhali !” යන වදන යූරිගේ මුවින් එම මොහොතේම නිකුත් විණි.

" මොස්කවු වේලාවෙන් උදෑසන් 09:07, මට දැනුණා බලගතු රොකට් බලගැන්වෙන ආකාරය. සියලු දේම දෙදරන්න පටන් ගැනුණා. ඊළඟ මොහොතේ අපි සෙමින්, ඉතමත්ම සෙමින් පිටත් වීම ඇරඹුණා. මොහොතකින් ගුරුත්ත්වාකර්ශන පීඩනය තදින්ම මගේ සිරුරට දැනුණා. එය විසින් මා අසුනට දැඩි ලෙස තෙරපනු ලැබුවා. මාගේ දෙඅත් චලනය කිරීමට පවා නොහැකි වූවා. මෙම පීඩනය වැඩි වේලාවක් නොපවතින බවත්, පෘථුවි ගුරුත්ත්වාකර්ශන සීමාවෙන් නික්මෙන තෙක් පමණක් බවත්, මා දැනගෙන සිටියා. " - යූරි ගගාරින්.

ගමනේ සංනිවේදන සටහන් පහත පරිදි වේ. නියම අර්ථයම එන ලෙස පරිවර්තනය කිරීම දුෂ්කර බැවින් එය ඉංග්‍රීසි භාෂාවෙන්ම සටහන් කරමි. රතු පැහැයෙන් සලකුණු කොට ඇත්තේ ගගාරින් විසින් සංනිවේදනය කෙරුණු වදන්ය. අවධානයෙන් කියවන්න ! පෘතුවියෙන් පිටතට ගිය මුල්ම මිනිසා, සිය අත්දැකීම් විස්තර කරන ආකාරය ගැන යම් අවබෝධයක් ලබාගත හැකිය.


Callsign: 
1. Astronaut Major GAGARIN A. - " Kedr " ( Cedar )  CW "RIC"
2. VHF items  - Start the "Dawn-1" , - Kolpashevo - "Zarya-2 " , - Yelizovo - " Zarya-3 " 
3. All HF Centers  - - "Spring" CW "WPC." 


9.7 Cedar: Let's go! .. 

Noise in the cabin slightly audible. All goes well, feeling good, cheerful mood, everything is fine. 

Dawn 1 (Korolev): We all wish you good flight, everything is fine. 

Cedar: Goodbye, see you soon, dear friends! 

Dawn 1 (Korolev): Good-bye, see you soon! 

Cedar: The vibration becomes more frequent, the noise increases more ...

9.8 Dawn 1 (Korolev): Time 70. (70 seconds into the start). 

Cedar: I understand you 70. She feels great, keep on flying, growing congestion, all is well.

9.9 Dawn 1 (Korolev): One hundred. How do you feel? " (One Hundred - 100 seconds into the start). 

Cedar: feels good. How are you? .. 

Dawn 1 (Korolev): The speed and time everything is fine. How to feel? 

Cedar: I feel good ...  Dawn 1 (Korolev): All right, the car goes well. 

Cedar: ... (not legible).

9.10 Dawn 1 (Korolev): reset the cone, everything is fine. How are you feeling? 

Cedar: ... Clear fairing ... I see Earth ... Several growing congestion, feeling great, the mood is

buoyant.

9.11 Dawn 1 (Korolev): Well done, excellent! All is well. 

Cedar: watch the clouds ... Landing site ... Beautiful, beautiful it is! How do you read? 

Dawn 1 (Korolev): We hear you fine, keep flying. 

Cedar: The flight goes on well, growing congestion, slow rotation, all is well tolerated, over a small,

well-being is excellent. In porthole "sight" * watching the Earth: more rose clouds. 

* "Gaze" - an optical device for orienting the spacecraft in space. Ed. 

Dawn 1 (Korolev): Everything is going fine. You understand, hear perfectly.

09.12 Cedar: There has been off the second stage. 

Dawn 1 (Korolev): Works that need. Last stage. Everything is fine. 

Cedar: I understand you: hear inclusion. She feels great. Watching the Earth: the visibility is good ...

the mood buoyant, growing congestion, I feel fine. 

Dawn 1 (Korolev): Got you.

9.13 Dawn 1 (Kamanin): All is well. How do you read? How are you feeling? 

Cedar: I hear you fine. She feels great, the flight goes on well. Observe the Earth, visibility is good, the

differences can be seen all, some space is covered with cumulus clouds, the flight goes on, everything

is fine. 

Dawn 1 (Kamanin): Roger, well done! Communication excellent hold, keep up the good work.

9.14 Cedar: Everything works fine, go ahead.

9.15 Dawn 1 (Kamanin): How are you feeling? 

Cedar: I hear you very little, the mood is cheerful, feel good, continue the flight, everything goes well,

the machine is working properly.

9.16 Dawn 2 (Seleznev): I understand, I'm 22 th (22 th - the index representative on VHF radios in

Kolpashevo). 9.17 Dawn 2 (Seleznev): How are you feeling? 

Cedar: you can hear well, feel great, the machine is working properly. In the bull's-eye "eye" watching

the Earth. Everything is fine. Hello. How to understand me? 

Dawn 2 (Seleznev): You have understood. 

Cedar: Got it. Know with whom I have the link. Hello.

9.21 Dawn 2 (Titarev): What is your feeling? I'm 22 th. 

Cedar: feels great, keep on flying. The machine works perfectly. In the windows watching the earth,

sky, horizon. The flight is normal. How to understand me? 

Dawn 2 (Seleznev): Got you.  Cedar: There was ...

9.25 Cedar: "Dawn-3" on the link. How do I hear? 

Cedar: "Dawn-3 ', as I hear, as I hear? "Spring" can not hear can not hear the "Spring" ... 

Dawn 3 (Karpenko): Roger, I hear a satisfactory manner. 

Cedar: The flight is good, everything is going well. What can you tell me?

9.26 Cedar: The flight is successful. Feeling of weightlessness is normal. Feeling good. All

instruments, the whole system works well. What can you tell me? 

Dawn 3 (Karpenko): I hear you well, devices are functioning properly, being normal. 

Cedar: you can hear perfectly. What can you tell about the flight? What can I tell? 

Dawn 3 (Karpenko): Directions from the 20 th (The Queen) is not received, the flight goes well.

9.27 Cedar: I understand you, dated 20 th indications are not forthcoming. Tell your data on the flight!

Hi Blonde! (blond named astronaut article. liters-nt Leonov, who was on the VHF radio "Zarya-3" in

Yelizovo).

Dawn 3 (Karpenko): How do you read me? 

Cedar: you can hear well. How do I?

9.29 Dawn 3 (Karpenko): What is your feeling? 

Cedar: My health is excellent, excellent, excellent, excellent. Tell me the results of the flight! 

Dawn 3 (Karpenko): Repeat, hard of hearing. 

Cedar: I feel very good, very good, good.

9.30 Cedar: Tell me your data about the flight! 

Dawn 3 (Karpenko): How do I hear?

Communications on VHF channel stopped.

II. WORK FOR HF CHANNELS

1. Novosibirsk

The station operates on the transfer from 9.22 to 9.39. Transferred aboard pop music and background

music telegraph call sign "WPC" in 30 seconds. Message from the board was not accepted.

2. Alma-Ata

The station operates from 9.52 to 2.10 for the transfer. Transfer songs Baglanova and against the

background of songs telegraph call sign "WPC" in 30 seconds. On board the signals are not accepted.

3.KhabarovskThe station operates from 9.42 to 9.52 for the transfer of the program. Passed on "Amur Waves" and on

the background song telegraph call sign "WPC" in 30 seconds. Signals from the board, taken from 9.21

until 10.11 with breaks. Two-way communication was established between 9.53 to 10.57.

9.21 Cedar: ... lights PKRS (PKRS - device control mode of descent), burning, feeling good, the mood

buoyant. Parameters of the cabin: a pressure, humidity, 65 temperature of 20, the pressure in the

compartment 1, the first automatic 155, second automatic 155, the cylinder pressure TDU (TDU -

retropropulsion) 320 atmospheres ... 

Spring (Kadushkin): (no reply, he worked on the program).

9.43 Cedar: ... as news? Admission ... 

Spring (Kadushkin): (no reply, he worked on the program). 

9.46 Spring (Kadushkin): At the command Kamanina aboard transmitted by telegraph signal "CC" -

which means "let the control commands. 

Cedar: (no reply).

9.47 Cedar: How do you read? I send another message reporting back: 9 hours, 48 minutes, the flight

is successful. "Descent-1" works fine. Movable index PKRS (PKRS - device control mode of descent)

is moving. Pressure in the cabin unit, humidity of 65, temperature 20 °, the pressure in the

compartment of 1,2 ... Manual 150, the first automatic 155, second automatic 155 cylinders TDU (TDU

- retropropulsion) 320 atmospheres. Feeling good, the mood buoyant.

9.49 Cedar: Earth can not hear. I am in the shade.

9.50 Spring (Kadushkin): Roger.

9.51 Cedar: including solar orientation. 

Spring (Kadushkin): Roger.

9.53 Spring (Kadushkin): At the command Kamanina (33rd) were included transmitters and passed on

board: the flight goes well, the calculated orbit.

9.54 Spring (Kadushkin): The flight is normal, the calculated orbit.

9.55 Cedar: Roger: the flight goes well.

9.57 Cedar: a cheerful mood, I continue to fly, I am over America. 

Spring (Kadushkin): Roger.

10.11 Cedar: Sent a telegraph signal "ON" - which means "the equipment is working properly".

More of the signal station Khabarovsk not taken.

4. Moscow

The station operates on the transfer of 10.03 to 10.37. Transfer songs about Moscow and against the

background of the callsign "WPC" in 30 seconds. Connection with "Cedar" was established in shortterm

10.13. 10.13 Spring (Khoroshilov): How do you read? 

Cedar: you can hear well. The flight takes place ... flax ...

10.16 Spring (Khoroshilov): The flight is going well. 

- (no reply).

10.18 Spring (Khoroshilov): Major Gagarin, your flight is proceeding normally. 

- (no reply).  

මෙලෙසින්, යූරි ගගාරින් විසින් පෘතුවිය වටා එක් කක්ෂයක් සම්පූර්ණ කරන ලදී. මෙහෙයුමේ සම්පූර්ණ කාලය ( දියත් කිරීමේ සිට ආපසු පැමිණීම දක්වා ) විනාඩි 108 කි. මේ අතර වාරයේ සෝවියට් බලධාරීන් විසින් මෙහෙයුම ලොවට හෙළිකිරීම සඳහා කටයුතු සිදු කළේය. ක්‍රෙම්ලිනයේ අනුමැතිය මත, මොස්කවු ගුවන් විදුලිය, යූරි ගගාරින් සාර්ථකව කක්ෂගත වූ බවත්, කක්ෂය වටා ගමන් කරමින් සිටින බවත් සෝවියට් දේශයට සහ බාහිර ලෝකයාට දැනුම් දෙමින් පුවත් විකාශය ඇරඹීය. එතෙක් මෙය ලොවට රහසක්ව පැවතුණි. ගගාරින්ගේ මව ඇතුළු පවුලේ අය පවා මෙම මෙහෙයුම ගැන දැනුවත් වූයේ මෙම ගුවන් විදුලි විකාශය මාර්ගයෙනි. ඔවුනට පවා එය රහසක්ව පැවතුණි. ( ප.ලි. හි මතුකෙරෙන කරුණ කෙරෙහි අවධානය යොමු කරන්න. ) 

සමහර මූලාශ්‍ර වල දැක්වෙන පරිදි, ගගා රින් විසින් "මම මෙහි දෙවි කෙනෙක් නොදකිමි" ( I don't see any God up here ) යන ප්‍රකාශය සිය අභ්‍යාවකාශ සංචාරයේදී සිදුකොට ඇත. ඇත්ත වශයෙන්ම ඔහු එවැනි ප්‍රකාශයක් සිදු කළේද ? පෘථුවි පාලක මධ්‍යස්ථානයේ ඇති හඬ පටිවලට අනුව ගගාරින් විසින් එවැනි ප්‍රකාශයක් සිදුකොට නොමැත. 2006 දී පැවති සම්මුඛ සාකච්ඡාවකදී ඔහුගේ මිතුරකු වූ කර්නල් Valentin Petrov ප්‍රකාශකොට ඇත්තේ ගගාරින් විසින් කිසිකලකත් එවැනි ප්‍රකාශයක් සිදුනොකළ බවය. ඔහුට අනුව එයට මුල්වී ඇත්තේ සෝවියට් සංගමයේ වාමාංශික පක්ෂයේ ප්‍රථම ලේකම් හා සෝවියට් සංගමයේ නායක වූ Nikita Khrushchev විසින් සිය දේශනයකදී දැක්වූ අදහසක්ය. ඔහු එහිදී පවසා ඇත්තේ යූරි ගගාරින් අභ්‍යාවකාශයට ගිය නමුත් ඔහු එහිදී දෙවි කෙනෙකු දැක නොමැති බවයි. වැරදි ලෙස අර්ථකථනය වූ මෙම කතාව, පසුව ගගාරින් විසින් එසේ පැවසූවක්යැයි ප්‍රචාරය වී ඇති බව කර්නල් Valentin Petrov ගේ අදහසයි. තවදුරට ඔහු දක්වා සිටියේ ගගාරින් රුසියානු ඕතඩොක්ස් පල්ලියේ බෞතීස්ම වී සිට ඇති අතර අභ්‍යාවකාශගත වීමට පෙර සිය දෙටු දියණියවද බෞතීස්ම කළ බවයි. 

දැන් ආපසු පැමිණීමට කාලයයි. පාලක මැදිරියේ සිට නිකුත්වූ අණින් ආපසු පැමිණීමේ රොකට් යානය ක්‍රියාත්මකවී ගගාරින් සහිත වූ සේවා ඒකකය පෘථුවි පරිශ්‍රයට ඇතුල්වීම ඇරඹුණි. මෙහිදී ගගාරින් හට විශාල ගැටලුවකට මුහුණ දීමට සිදුවිය. ඒ, සැලසුම් කොට තිබූ පරිදි ආපසු ගෙන ඒමේ රොකට් යානය සේවා ඒකකයෙන් වෙන් නොවීම හේතු කොටගෙනය. මෙම නිසා යානය නැවත පෘතුවියට ඇතුල්වීමේදී ප්‍රබල ගැස්මකට සහ කරකැවීමකට ලක්වූ අතර ඉලක්කකොට තිබූ ගොඩබෑමේ ප්‍රදේශයද වෙනස් විය. ( සැළසුම් කොට තිබුනේ ස්ටාලිනින්ග්‍රෑඩ් වෙත ගොඩබැසීමට වුවද මේ නිසා ගමනාන්තය සරාටොව් දක්වා වෙනස් විය.  ) කෙසේ වෙතත්, වාසනාවකට මෙන් නැවත ඇතුල්වීමේදී ජනනය වූ තාපය හේතුකොටගෙන සේවා ඒකකය හා රොකට් යානය අතර නොබිඳී තිබුණ සම්බන්ධය පිළිස්සීම මඟින් වෙන්විය. පොළවට හැතපුම් හතක් ඉහළ අහසේදී යූරි ගගාරින් විසින් පැරෂුට් ආධාරයෙන් සේවා ඒකකයෙන් ඉවත් විය. 


පොළොවට බට යූරි ගගාරින්ව මුලින්ම දකිනු ලැබුවේ ගෙවිලියක වූ ඇනා අකිමෝවා සහ ඇගේ සය හැවිරිදි දියණිය වූ රීටාය. අහසින් බට මේ අමුතු ජීවියා ඔවුන්ව බෙහෙවින්ම ත්‍රස්ත කළේය. තමනුත් රුසියානුවකු බව ඔවුනට අවබෝධ කොට දීමට ගගාරින්ට මද වෙහෙසක් දැරීමට සිදුවිය. 

දින දෙකකට පසු අප්‍රියල් 14 වනදා, පරිවාර ප්‍රහාරක යානා පිරිවරා ගත් ගගාරින් රැගත් ගුවන් යානය Vnukovo ගුවන් තොටුපළ වෙත ළඟා වුණි. එහිදී ඔහුව පිළිගැනුණේ රතු පලස මතින්ය. ලක්ෂ සංඛ්‍යාත වූ ජනතාවක් හා ජනමාධ්‍යවේදීන්, ලොව මුල්ම ගගනගාමියාව හොඳින් දැකගැනීම උදෙසා පොරකමින් සිටියහ. Vnukovo ගුවන් තොටුපලේ සිට විවෘත්ත රථයක නැගුණ ගගාරින් හා පිරිවර ජන ගංගාවකගේ හරසර මධ්‍යයේ ක්‍රෙම්ලිනය වෙත ගමන් කෙරුණි. තවද, සෝවියට් සංගමයේ නායක Nikita Khrushchev ගේ අණින් ගගාරින්ව වහාම මේජර් තනතුරට උසස් කරන ලදී. යූරි ගගාරින් නාමය සෝවියට් දේශය පුරාත් ලොව වටාත් බෙහෙවින්ම ජනප්‍රිය විය. එකල්හී ඔහු ලොව ජනප්‍රියම පුද්ගලයන්ගේ ලේඛනයේ ඉහළින්ම වැජබිණි. එම ජනප්‍රියත්වය කොතෙක්ද යත්, එම වසර තුල සෝවියට් දේශයේ උපන් සියලුම පිරිමි දරුවන්ව "යූරි" යනුවෙන් නම් කිරීමට තරම් හේතුවක් වී ඇත.

ලද ජනප්‍රියත්වයත් සමඟින් යූරි ගගාරින් ලොව වටා සංචාරය කිරීම අරඹයි. එය ඇත්තෙන්ම සෝවියට් සංගමයට සිය ක්‍රමය බටහිර රටවල් අතර ජනප්‍රිය කරවීම උදෙසා මහඟු අවස්ථාවක් විය. ඔවුන් එය ප්‍රචාරණ උපක්‍රමයක් ලෙස මැනවින් භාවිතා කරණ ලදී. මෙම තත්ත්වය, සිය පවුල සමඟ වරින් වර ආසියාවේ, යුරොපයේ හා ඇමෙරිකාවේ බොහෝ රටවල් වල සංචාරය කිරීමේ වරය යූරි හට ලබා දුනි.  මෙලෙස ලෝක සංචාරයේ යෙදෙන අතරතුර, 1961 දෙසැම්බර් මස 07 වන දින, ගගාරින් ශ්‍රි ලංකාවටද සැපත් වේ. 


1961 ඔක්තෝබර් මස කෙරුණ ක්‍රිමියා සංචාරයට ගගාරින් හා ටිටොෆ් ද එකතු වූ අතර, ඔවුන් දෙදෙනාටම මෙම සංචාරයේදී නරක හැසිරීම් පිළිබඳ චෝදනා එල්ල වූහ. ඒ අතර අධික මත්පැන් පානය, වෛශාවන් ඇසුර, අන් අයට පරිභව කිරීම ආදී චෝදනාද විය. වරෙක ගගාරින් හට ඔවුන් හා සිටි තරුණ හෙදියට අතවර කිරීමට තැත්කිරීමේ චෝදනාද එල්ල විය. මෙහිදී වාල්යාගේ පැමිණීම හේතුකොටගෙන ගගාරින් විසින් සඳලුතලයෙන් ඉවතට පැනීම නිසා රෝහල් ගතවී ප්‍රතිකාරගැනීමට පවා සිදුව ඇත. කෙසේවෙතත්, සෝවියට් බලධාරින් විසින් ලොව මුල්ම ගගනගාමියාගේ මේ නොමනා හැසිරීම් සූක්ෂම ලෙස ලොවෙන් වසන්කොට තිබුණි. 

සිය මුල්ම ගගනගාමියාව රැකගැනීමේ අරමුණින් නැවත අභ්‍යාවකාශගතවීමකින් ඇත් කොට තැබීමට සෝවියට් බලධාරීන් විසින් වගබලා ගත්හ. ඒ යම් හෙයකින් ඔහුට අනතුරක් වේයැයි බිය පලකරමිනි. නමුත්, මේ තත්ත්වය පැහැදිලිවම ගගාරින් හට අසහනකාරී විය. ඔහුට අවැසිවූයේ නැවතත් අභ්‍යාවකාශ වැඩසටහන හා සම්බන්ධ වීමටයි. ඊළඟ ඉලක්කය වූ මිනිසකු සඳ මතට යැවීමේ මෙහෙයුමට සම්බන්ධවීමට ඔහුට දැඩි ලෙසම උවමනාවී තිබුණි.

1963 දෙසැම්බර් 23 වනදා, ගගාරින්ව ගගනගාමීන් පුහුණු මධ්‍යස්ථානයේ නියෝජ්‍ය පුහුණුකිරීම් අධ්‍යක්ෂක ලෙස පත්කරනු ලැබීය. තවද ඔහු නැවත භාවිතා කළ හැකි අභ්‍යාවකාශ යානයක් තැනීමේ කටයුතු වෙනුවෙන්ද මුල්වී ක්‍රියා කළේය. අතරවාරයේ ඔහු නැවතත් ප්‍රහාරක යානා පැදවීම සඳහා නැවත සුදුසුකම් ලැබීම සඳහා පුහුණුවීම්ද, විකල්ප ගගනගාමියකු ලෙස පුහුණුවීම්ද ඇරඹීය.

1967 දී ඔහුව මුල්ම සඳගමන සඳහා වූ පුහුණු අභ්‍යාවකාශ තරණය වෙනුවෙන් ගගනගාමී Vladimir Komarov ගේ විකල්ප ගගනගාමියා ලෙස නම් කෙරිණ. කෙසේවෙතත්, Vladimir Komarov මෙහෙයුම සඳහා වඩා සුදුසු ගගනගාමියායැයි ඉන් අදහස් නොකෙරිණ. සෝවියට් බලධාරීන් විසින් නැවතත් සිය මුල්ම ගගනගාමියාව රැකගෙන තිබුණි. Vladimir Komarov සමඟින් අභ්‍යාවකාශගතවූ Soyuz යානය නැවත පෘතුවියට ඇතුල්වීමේදී එහි පැරෂුටයෙහි වූ දෝෂයක් හේතුකොටගෙන ගගනගාමී Vladimir Komarov සමඟින්ම විනාශ විය. මෙම අනතුරත් සමඟම සෝවියට් බලධාරීන් නැවතත් ගගාරින්ව, ඔහුගේම ආරක්ෂාව වෙනුවෙන් අභ්‍යාවකාශ වැඩසටහනින් හා ගුවන් ගතවීම වලින් ඉවත් කරන්නට යෙදුණි. කෙසේ වෙතත් ගගාරීන්ගේ බලවත් ඉල්ලිම සලකාබැලූ බලධාරීන් අවසානයේදී ප්‍රහරක යානා පැදවීමට අවසර දීමට එකඟ විය.



1968 මාර්තු 27, ඒ දෛවොපගත දිනය උදා විය. අභ්‍යාවකාශ ගමනින් පසු එළබෙන ප්‍රථම ගුවන් ගමන එදිනට යෙදී තිබුණි. ගගාරින් හා ඔහුගේ පුහුණුකරු වූ Seregin  යානය මත වූහ. අදටත් එතරම් නොපැහැදිලි හේතුවක් නිසා ඔවුන් දෙපළ ගමන් කළ MIG - 15 යානය, Vladimir ආසන්නයෙහිදී කඩා වැටීම හේතු කොටගෙන මිහිමතින් පිටතට ගිය මුල්ම මිනිසා, අභ්‍යාවකාශගතවූ මුල්ම මිනිසා, අභ්‍යාවකාශයේ සිට පෘතුවිය දුටු මුල්ම මිනිසා, ලෝකය ගෝලාකාර බව පියවි ඇසින් දුටු මුල්ම මිනිසා එසේ ලෝකයට සහ සෝවියට් දේශයට අහිමි විය.ඔවුන් දෙපළගේ අවසන් කටයුතු ක්‍රෙම්ලිනයේ රතු චතුරශ්‍රයේදී රාජ්‍ය බුහුමන් සහිතව සිදු කෙරිණ.


වාල්යාගේ ඉල්ලීම මත, සඳ මත පාතැබූ මුල්ම මිනිසා වූ නීල් ආම්ස්ට්‍රෝන්ග් සහ ඔහුගේ සහයකයා වූ එඩ්වින් ඕල්ඩ්‍රින් විසින් යූරි ගගාරින්ගේ පදක්කමක්, ඔහුට ගෞරව පිණිස සඳ මත තැන්පත් කළ බවද කියවේ. තවද යූරි ගගාරින්ට ගෞරව පිණිස සඳෙහි අවාටයක් ඔහුගේ නමින් නම් කොට ඇත. රුසියාවේ චතුරශ්‍ර කිහිපයක්ම හා මංමාවත් කිහිපයක්ම යූරි ගගාරින්ගේ නමින් නම් කොට ඇත්තේ තම අසහාය වීරයාට ගෞරව කරනු පිණිසය. ගගරින් අභ්‍යාවකාශගත වූ Baikonur ගගන තොටුපලේ ගගන යාත්‍රා දියත් කරණ ස්ථානය "Gagarin's Start " යනුවෙන් නම් කොට ඇත. තවද Baikonur තොටුපළෙන් ගමන් ගන්නා සියලුම ගගන ගාමීන්, ගමනට ප්‍රථම එහි ඇති ගගාරින්ගේ පුහුණු කාමරය නැරඹීමද වර්තමානයේ චාරිත්‍රයක්ව පවතී. රුසියාව සිය ගගනගාමී දිනය සෑම වසරකම අප්‍රියල් 12 වනද සමරන්නේ ගගරීන් විසින් කළ ඒ නිර්භීත ක්‍රියාව යළි යළිත් සිහි කරනු පිණිසය. 

මෙම අවාසනාවන්ත ගුවන් අනතුරට හේතුව අදටත් අභිරහසක්ව පවතින අතර, අයහපත් කාලගුණයේ සිට පිටසක්වල ජීවීන්ගේ මැදිහත් වීම දක්වා විවිධ හේතුන් ඒ සඳහා ඉදිරිපත් වී ඇති නමුදු එකක්වත් මේ දක්වා ස්ථීරවම තහවරු වී නොමැත.

 Aleksey Leonov  විසින් 2004 දී රචිත ඔහුගේ " Two Sides of the Moon " පොතෙහි දක්වන පරිදි, අනතුරට හේතුවී ඇත්තේ ශබ්දයේ වේගය අභිබවා යන තවත් ජෙට් යානයකි. එම ජෙට් යානය, අයහපත් කාලගුණය හෝ වෙනයම් හේතුවක් මත එය ගමන් කළ යුතු උසට වඩා අඩු උසකින් ගමන් කොට ඇති අතර එයින් ඇති කළ කැළඹීම ගගාරින් ගමන් කළ යානයට පාලනය කළ නොහැකි කරකැවීමක් ඇති කිරීම නිසා, නියමුවන්ගේ පාලනයෙන් මිදුන යානය කඩා වැටෙන්නට ඇති බව Aleksey Leonov ගේ මතයයි.

සෝවියට් රහස් ඔත්තු සේවය වූ KGB ද මේ සම්බන්ධයෙන් ස්වාධීන පරික්ෂණය සිදු කොට ඇති අතර ඔවුනට අනුව මෙම අනතුරට හේතුව නිවැරදි කාලගුණ වාර්තා නොසැපයීමයි. KGB පවසන පරිදි හඳුනානොගත් හේතුවක් නිසා දරුණු කරකැවීමකට ලක්වූ යානය ගගාරින්ට සහ ඔහුගේ පුහුණුකරුට පාලනය කොටගත නොහැකි වී ඇත්තේ ඔවුනට වැරදි කාලගුණ වාර්තා සැපයීම නිසාය. තමන්වෙත ලැබුණ වාර්තා අනුව ඔවුන් සිටිනවාට වඩා උසකින් සිටිනවායැයි නිගමනය කොට ඇති බවට KGB පරීක්ෂකයන්ගේ විශ්වාසයයි.

ගගාරින් සහ Nikita Khrushchev අතර බාල් උත්සවයකදී ඇතිවූ බහින්බස්වීමත් සමහරුන් විසින් මෙම අනතුරට සම්බන්ධකොට කතා කරනු දක්නටද ලැබේ.

තවත් වාර්තාවකට අනුව නියමුවන් විසින්ම හෝ කලින් නියමුවා විසින් අත්වැරදීමකින් නියමු කුටීරයේ ඔක්සිජන් සැපයුම් කවුළු හැර තබන්නට ඇතැයිද කියවේ. නියමු කුටීරයේ ඔක්සිජන් තත්ත්වය හීන වීම නිසා ඔවුනට යානය පාලනය කොට ගත නොහැකි වන්නට ඇති බවද කියවේ.

කෙසේ නමුත් පැන නඟින විශාලම ගැටළුවනම් ඔවුනට පැරෂුට් ආධාරයෙන් යානයෙන් ඉවත් වීමට නොහැකි වූයේ මන්ද යන්නයි !

ගගාරින් හා Seregin  ගේ හිතවතුන් අතර පිළිගැනෙන තවත් හේතුවකි. ඒ අනුව, Seregin හට නිතරම හට ගන්නා ඔක්කාරය සහ පපුවේ වේදනාවක් තිබී ඇත. ගුවන් ගමන මධ්‍යයේදී ඔහු හට පපුවේ වේදනාව හටගන්නට ඇති අතර යානය පදවමින් සිටි ගගාරින් හට ඔහුට ක්ෂණිකවම ප්‍රතිකාරයක් කිරීමේ හැකියාවක් නොළැඹිණි. පාලනය කල නොහැකි අයුරින් ඒ මේ අත වැනෙන්නට වූ Seregin ගේ සිරුර යම් පාලන ලීවරයක් වැදීම නිසා යානයේ පාලනය ගගාරින් අතින් ගිලිහී ඇති නමුත්, තවමත් ජීවතුන් අතර සිටින සිය මිතුරාව අතහැර යානයෙන් එළියට පැනීමට නොහැකි බැවින් ගගාරින්ද යානයෙහිම අවසන් මොහොත දක්වා රැදී ඇත.

තවත් වාර්තාවකට අනුව ගගාරින් මෙම අනතුරින් ජීවිතක්ෂයට පත්වී නොමැත. මෙය, ගොඩ නැගෙමින් පැවතුණු සිය ජීවන ශෛලියෙන් හා අධික පීඩනයෙන් ගැලවීම උදෙසා හිතාමතාම සැලසුම් කොට රඟ දැක්වූ ව්‍යාජ්‍ය ගුවන් අනතුරකි. එම වාර්තාවට අනුව, ගගාරින් ගම්බද පළාතක සිය මහලු විය දක්වාම රහසේ ජීවත්ව සිට ඇති අතර මියගොස් ඇත්තේ, දඩයමේ යාමේදී සිදුවූ අනතුරක් හේතුකොටගෙනය.

~~~~~~

ලොව මුල්ම ගගනගාමියා වෙනුවෙන් සැකසුණ මෙම සටහන, සඳ මත පා තැබූ මුල්ම මිනිසා වූ නීල් ආම්ස්ට්‍රෝන්ග් විසින්, යූරි ගගරින් ගැන පැවසූ සටහනකින් මෙසේ අවසන් කරමි. 

යූරි ගගාරින් යනු, තරු පසු පස හඹායාමට අප සැමට ආරාධනා කළ මිනිසායි. - නීල් ආම්ස්ට්‍රෝන්ග්


යූරි ගගාරින් පිළිබඳව පින්තූර සටහනක් මෙතැනින්:


~~~

මූලාශ්‍ර :
1. http://russiapedia.rt.com/prominent-russians/space-and-aviation/yury-gagarin/
2. http://www.firstorbit.org/vostok1-transcripts
3. http://www.youtube.com/watch?v=hDd6GknJufU&feature=related
4. http://www.russianarchives.com/gallery/gagarin/
5. http://en.wikipedia.org/wiki/Vostok_programme
6. http://englishrussia.com/2011/04/12/the-first-man-in-space/


පසු සටහන :


මෙම ලිපිය සැකසීමට කරුණු සොයන විට, මෙවන් කරුණු වලින් ගහන තවත් බ්ලොග් අඩවියක් සොයාගැනීමේ වාසනාව පෑදුනි. එහි අන්තර්ගත වූ මෙම ලිපියට අනුව යූරි ගගාරින් යනු තවත් කෙනෙක් පමණී. පළවෙනියාද නොවන්නේය.  ඒ ගැනත් කියවා දැන ගන්න.


~~ සෙන්නා / 09.06.2012